बसबरिया, जेठ ४ – सर्लाहीको बसबरियमा गए राती भएको आगोलागीबाट एउटा घर र गोठ जलेर नष्ट भएको छ ।बसबरिया गाउँपालिका वडा नं. ६, सहोडवा गाउँमा सोमबार राती ८ बजे स्थानीय बासु साहको परालको टालमा आगोलागी हुदाँ छिमेकी घर गोठ जलेर नष्ट भएको हो ।
आगोलागीबाट छिमेकी रुपलालको एउटा फुसको घर तथा घर भित्र रहेको धान, गहुँ, झ्यालको काठ,साईकल, लत्ताकपडा, लगायत सामाग्रीहरु जल्दा १ लाख ७५ हजार रुपैंया बराबरको क्षति भएको प्रहरीले जनाएको छ । अर्का छिमेकी बुद्धि साहको फुसको गोठ जल्दा ३५ हजार र अन्दाजी २५ हजार बराबरको परालको टाल जलेर नष्ट भएको छ । सुरक्षाकर्मी स्थानीय, लगायतको सकृयतामा राती ९:३० बजे आगो नियन्त्रणमा आएको र मानवीय तथा पशुचौपायाको क्षति भने भएको छैन । त्यहाँ आगो कसरी लाग्यो भन्ने खुल्न नसकेको प्रहरीले जनाएको छ ।
