बरहथवा, जेठ १—सर्लाहीको बरहथवा नगरपालिका ५ मा शनिवार (आज) आफ्नै तीन तले घरको छतबाट लडेर एक महिलाको ज्यान गएको छ । छतमा लुगा सुकाउने क्रममा अचानक भुइँमा खस्दा पुर्ण बहादुर थापा मगरको अन्दाजी ५१ वर्षकी श्रीमती गीता थापा मगरको ज्यान गएको हो ।
बिहान ७ बजे छतबाट लडेर गम्भिर घाईते भएकी महिलाको उपचारको लागि नेशनल मेडिकल कलेज बिरगंज लगिएको थियो । घाईले महिलाको त्यहाँ उपचार हुन नसकी थप उपचारको लाथि बिरगंजकै न्युरो अस्पताल लाने क्रममा दिउसो २ बजेर ४० मिनेट जादा मृत्यु भएको जिल्ला प्रहरी कार्यालय सर्लाहीले जनाएको छ ।
