जनकपुरधाम,मंसिर -२२, साताव्यापी कार्यक्रम गरि जनकपुरधाममा मनाइएको राम-जानकी विवाह महोत्सव (आज) शनिवार समापन हुँदैछ ।
शुक्रवार पञ्चमी तिथिमा रङ्गभूमि मैदानमा स्वयंवर विधि सम्पन्न भएको थियो भने गएराति नै वैवाहिक कार्यक्रम सम्पन्न गरिएको हाे।
महोत्सवको सातौँ दिन शनिवार आज भारतको अयोध्याबाट जन्तीका रूपमा आएका साधुसन्तहरूलाई भोजन गराउँदै बिदाइ गरिँदैछ।
स्वयंवरका लागि भारतको अयोध्याबाट राम मन्दिर तथा नेपालको जनकपुरस्थित जानकी मन्दिरको डोला रंगभूमि मैदान १२ बिघा आउँने गर्छ ।
स्वयंवरपछि दुवै मन्दिरको डोला शोभा यात्रा गर्दै जानकी मन्दिर पुग्छ जहाँ वैवाहिक कार्यक्रम हुने गर्दछ।
जानकी मन्दिरको प्राङ्गणमा वैवाहिक कार्यक्रमको समयमा हजारौँ श्रद्धालुको सहभागिता रह्यो।
विवाह महोत्सव हेर्नका लागि नेपाल, भारत र तेस्रो मुलुकबाट दर्शनार्थी जनकपुरधाम आइपुगेका थिए ।
