रामबाबु खड्का
मंसिर -१२,भदौको गर्मीसँगै तातिरहेको नेपाली चलचित्र क्षेत्र मंसिरको चिसोसँगै बिस्तारै सेलाउन थालेको छ। असोज ३ गतेदेखि प्रदर्शनमा आएको उपसना सिंहठकुरी र धिरज मगर अभिनित चलचित्र खुस्वुले तताएको नेपाली सिनेमा क्षेत्र शंकर घिमिरे र ऋचा घिमिरेले निर्माण गरेको चलचित्र ´तेल भिजा´सम्म आइपुग्दा सेलाएको छ।
मंसिर ७ गतेबाट प्रदर्शनमा आएका चलचित्र तेलभिजा´ले जिनतिन व्यापार गरिरहेपनि त्यसै दिनदेखि प्रदर्शनमा आएको अर्को चलचित्रअग्निदहन´ अधिकाँस हलले उतारिसकेका छन्।
लामो समय अमेरिका बसेर नेपाल फर्किएका शंकर दम्पतीले निर्माण गरेको चलचित्र तेलभिजाझ´को अधिकाँस छायांकन पनि अमेरिकामा नै गरिएको थियो। चलचित्र ञतेल भिजाझमा अब्बल मानिएका कलाकारको अभिनय रहेपनि चलचित्रले सोचेको अनुसारको सफलता हासिल गर्न सकेन। चलचित्र खुस्वु पछि प्रदर्शनमा आएको चलचित्रबेहुली फर्म मेघौली´ले आफ्नो लगानी उठाएपनि दशै लक्ष्यित तीन चलचित्रले हलमा धेरैदिन टिक्न दिएन। निश्चल बस्नेत र स्वतिमा खड्का मुख्य भुमिकामा रहेको चलचित्रको निर्माता समेत बस्नेत दम्पती हुन । चलचित्र हलले फिल्म उतार्ने भनेपछि ओटीटी प्लाटफर्ममा बस्नेतले चलचित्र रिलिजको व्यवस्था मिलाएका थिए।
त्यसलगत्तै प्रदर्शनमा आएको दिपक र दिपाको चलचित्र छक्का पञ्जा ५´ जितु र नीति शाह अभिनित चलचित्रज्वाईंसाब´ र विराज भट्ट बाबूछोराको चलचित्र १२ गाँउ´ले नेपाली सिनेमा क्षेत्रलाई एकलौटी कब्जा जमाएको थियो । ती चलचित्र मध्ये१२ गाउ´ले राम्रो अकुपेन्सीसँगै धेरै हलमा शो समेत राम्रो बढाएको थियो।
त्यस ताका सबैभन्दा बढी शो पाएको चलचित्र छक्क पञ्जा ५´ले राम्रो ग्रसकलेसन गरे पनि उसको ५१ दिन मनाउने सपना पुराहुन सकेन। शो नपाएर तीनछक्क परेको जितु नेपाल र नीति शाह अभिनित चलचित्रज्वाईसाब´ले भने सिनेमा क्षेत्रमा स्थापित हुने र लगानी उठाउने मौका बाहेक ठुलो उपलब्धि हात पर्न सकेन ।
दिपावलीको दिनबाट प्रदर्शनमा आएको विजय बराल र अञ्जना वराईली अभिनित चलचित्र पुर्णबहादुरको सारंगी´ले अहिलेसम्म प्रदर्शनमा आएको चलचित्र मध्ये सबैभन्दा बढी ग्रसकलेकसन गर्ने चलचित्रको नाम रेकर्ड राख्यो ।पुर्णबहादुरको सारंगी´ अहिले चौथो हप्तामा पनि प्रदर्शनमा नै छ। यसै बीचमा प्रदर्शनमा आएको चलचित्र ह्रस्व दीर्घ´ लाई भने लगानी उठाउनु मुस्किल परेको छ। ज्योतिष हरिहर अधिकारी र नीता ढुङ्गाना अधिकारीले निर्माण गरेको चलचित्रमा अधिकारी दम्पती मुख्य भुमिकामा छन भने आधा दर्जन टुरिष्ट कलाका भित्र्याएर अभिनय गराए पनि लगानी उठ्नेमा शंका छ । चलचित्रले अहिले करिब ६ करोड कमाइ गरेको र २१ करोड कमाउने आँकलन गरेपनि त्यसको भरपर्दो आधार भन्ने निर्माता पक्षले पुष्टि गर्न सकेका छैन। कार्तिक ३० गतेदेखि प्रदर्शनमा रहेको चलचित्रहस्व दीर्घ´दोस्रो हप्तासम्म हलमा टिकेको छ।धेरै हलले ह्रस्व दीर्घ ´ पनि उतारेका छन। मंसिर ७ गतेदेखि प्रदर्शनमा आएको शंकर घिमिरे र ऋचा घिमिरेको चलचित्रतेलभिजा´ लाई लगानी उठान ठुलो संकट आईपरेको छ। त्यसै दिनदेखि प्रदर्शनमा आएको अर्को चलचित्र अग्निदहन´ धेरै हलबाट बाहिरको छ। यही अवस्था कायम रहेको नेपाली चलचित्रको गतिमा ब्रेक लाग्ने र हिन्दी चलचित्रले पिकप लिने सहज अनुमान लगाउन सकिन्छ ।
पुस महिनामा एउटा नेपाली चलचित्रकार्साङ´ले मात्र प्रदर्शनको मिति सार्वजनिक गरेको छ। दयाहाङ राई र जितु नेपाल अभिनित चलचित्र कार्साङ´मा सेर्पा समुदायको कथावस्तुलाई समेटेएर चलचित्रको पर्दामा उतारिएको छ। माघ १६ गतेदेखि प्रदर्शनमा आउने अर्को चलचित्र हो याक्टर। यस चलचित्रमा दिलिप रायमाझीको छोरी दिब्य रायमाझी र प्रदिप खड्का अभिनय गर्ने छन।त्यसपछि फागुन १४ गते दीवाकर भट्टराईको निर्देशनमा बनेको चलचित्रमायावी´ ले प्रदर्शन गर्ने तयारी गरेको छ। चलचित्र मायावी´को मुख्य भुमिकामा पल शाह र दीपिका प्रसाईं छन।
यसैबीचमा लोकप्रिय हास्य टिभी सिरियलसक्किगोनि´ का लोकप्रिय कलाकार कुमार कट्टेल `जिग्री´ ले निर्माण गरेको चलचित्र ´लाज शरणम्´माघ भरमा प्रदर्शनमा आउने जनाएको छ। चलचित्रमा सक्किगोनि टिमसँगै यस चलचित्रमा विजय बरालको पनि भुमिका रहने छ।
