सर्लाही,कार्तिक -२३, जिल्लाको ईश्वरपुर १५ बसनियाँमा आयोजित भलिबल प्रतियोगिताको उपाधि आयोजक सत्यनाम युवा क्लव बसनियाँले जितेको छ ।
तिहार तथा छठको अवसरमा भाईटीकाको दिन सुरु भएको प्रतियोगिताको आज भएको फाईनल खेलमा चन्द्रनगर -३ बटकुर्वाको टीमलाई हराउँदै आयोजक टीमले प्रथम पुरस्कार हात पारेको हो ।
प्रथम भएको आयोजक सत्यनाम युवा क्लवले नगद रु ३० हजार आफ्नो पोल्टामा पारेको छ भने दोश्रो भएको बडकुर्वाले नगद रु १५ हजारमै चित्त बुझाएको छ ।
प्रतियोगितामा विभिन्न १०ओटा क्लवले सहभागिता जनाएका थिए । प्रतियोगिताका विजेता तथा उपविजेता टीमलाई आज एक भव्य समारोहको आयोजना गरि पुरस्कार वितरण गरिएको थियो ।
आयोजक क्लवका अध्यक्ष रामचन्द्र चौधरीको अध्यक्षता तथा ईश्वरपुर नगरपालिकाकी उप मेयर रंजितादेवी चौधरीको प्रमुख आतिथ्यतामा विजेता तथा उपविजेता टीम तथा खेलाडीहरुलाई नगद पुरस्कारसहित शिल्ड तथा मेडल प्रदान गरिएको क्लवका सदस्य उचित थनेटले जानकारी दिए । कार्यक्रममा वडा नम्बर १५ का वडाअध्यक्ष उमेश कुमार चौधरीको विशिष्ट आतिथ्यता रहेको थियो ।
