सर्लाही,कार्तिक -२१, जिल्लाको लालबन्दीमा रुखबाट लडेर एक वृद्धको मृत्यु भएको छ ।
मृत्यु हुनेमा लालबन्दी नगरपालिका–१ बुढाथोकी टोलका ७२ वर्षीय छत्र बहादुर कार्की रहेका छन् ।
प्रहरीले दिएको जानकारी अनुसार कार्की बाख्रालाई घाँस झार्न इपिलको रुखमा चढेका थिए । घाँस झार्ने क्रममा अचानक रुखबाट लडेर गम्भीर घाइते भएका कार्कीलाई स्थानिय मेडिकलमा प्रारम्भिक उपचार गरिएको थियो ।
थप उपचारका लागि वीरगञ्जस्थित नेशनल मेडिकल कलेजमा लगिएको उनको उपचारकै क्रममा आज अपरान्ह सवा ४ बजे तिर मृत्यु भएको जिल्ला प्रहरी कार्यालय सर्लाहीका प्रहरी नायव उपरीक्षक दिपक श्रेष्ठले जानकारी दिए ।
