सर्लाही,कार्तिक -१९, जिल्लाकाे बरहथवामा निर्माणाधीन घरको पर्खाल भत्किँदा एक जनाको मृत्यु भएको छ ,भने अर्का एकजना घाईते भएका छन् ।
मृत्यु हुनेमा बसबरिया गाउँपालिका ३ का १७ वर्षिय रबीन माझी रहेका छन् । सोही ठाउँका १९ वर्षिय विकास कुमार महतो घाईते भएका छन् ।
उनीहरु हिजो दिउँसो बरहथवा नगरपालिका ७ का राजनारायण साहको बन्दै गरेको घरमा सेफ्टी टयांकी बनाउन खाल्डो खन्दै थिए ।
सोही क्रममा घरको पर्खाल खसेपछि पर्खालले च्यापेर एकजनाको मृत्यु भएको हो,भने अर्का एकजना घाईते भएका हुन् ।
घाईते महतोको बरहथवाकै एक अस्पतालमा उपचार भईरहेको इलाका प्रहरी कार्यालय बरहथवाका डिएसपी गौतम थापाले बताएका छन् ।
मृतक माझीको प्रादेशिक अस्पताल मलंवामा पोष्टमार्टमपछि शव परिवारकाे जिम्मा लगाइएको छ।
