सर्लाही, भदाै-१६, जिल्लामा लालबन्दी नगर वाङ्मय परिषद्ले १५९ अौँ मोती जयन्तीका अवसरमा लालबन्दी गजल उत्सव -२०८१ कार्यक्रम सम्पन्न गरेको छ।
लालबन्दी नगर वाङ्मय परिषद्को सभाहलमा (आज)आइतवार साँझ सम्पन्न उक्त कार्यक्रममा लालबन्दी नगरपालिकाका प्रमुख (मेयर) बासुदेव अधिकारीको प्रमुख आतिथ्य रहेको थियो।
कार्यक्रममा मोतीराम भट्टका बारेमा चर्चा परिचर्चासँगै करिब दर्जनभन्दा बढी गजलकारहरूले गजल गायन तथा वाचन गरेका थिए।
कार्यक्रमलाई सम्बोधन गर्दै प्रमुख अतिथि अधिकारीले वाङ्मय परिषद्ले एकपछि अर्को उत्कृष्ट काम गर्दै अघि बढेको बताए।
परिषद्का सल्लाहकार सदस्य बलराम पोखरेल र अध्यापिका मुना उपाध्यायले मोतीराम भट्टको योगदानका बारेमा चर्चा गरेका थिए।
कार्यक्रमको सभापतित्व परिषद्का अध्यक्ष अच्युत अधिकारीले गरेका थिए भने कार्यक्रम सहजीकरण परिषद् सदस्य सुमित्रा आचार्यले गरेकी थिइन्।
