बारा,भदौ—१४, बारामा आफैँले चलाएको मोटरसाइकल अनियन्त्रीत भई पल्टदा एक युवकको मृत्यु भएको छ ।
प्रहरीका अनुसार मृत्यु हुनेमा मोटरसाइकल चालक कलैया उपमहानगरपालिका ११ का २४ वर्षीय सन्दीपकुमार यादव रहेका छन् ।
गएराती यादव सवार लु ९५ प ६३५४ नम्बरको मोटरसाइकल कलैया–१६ को उत्तर झिटकैयामा अनियन्त्रित भई पल्टिदा चलाएको मृत्यु भएको बारा प्रहरीले जनाएको छ ।
बाराका प्रहरी नायब उपरीक्षक प्रकाश सापकोटाका अनुसार उनको घटनास्थलमै मृत्यु भएको थियो ।
घटना राती भए पनि स्थानीयले बिहान मात्र प्रहरीलाई खबर गरहेका थिए । मृतकको शवको सनाखत भइसकेको र घटनाबारे थप अनुसन्धान भइरहेको प्रहरीले जनाएको छ ।
