लालबन्दी,साउन -२०,लालबन्दीस्थित जनज्योति बहुमुखी क्याम्पसमा अध्ययनरत् दुई विद्यार्थीले क्याम्पसलाई सरसफाई सामग्री सहयोग गरेका छन् ।
केही छात्राहरुले क्याम्पस परिसरमा महिनावारीको समयमा स्यानिटरी प्याड डिसपोज गर्न सहि ठाउँ नभएर असहज भएको र शौचालयमा स्वच्छताको लागि ह्यान्ड वास समेत नभएको गुनासो गरे पछि क्याम्पसमा अध्ययनरत विद्यार्थी आदित्य महतो र सफल अधिकारीले सरसफाई सामग्री सहयोग गरेका हुन।
क्याम्पसमा अध्ययनरत साथीहरूलाई पढाइमा हानी-नोक्सानी नहोस्, क्याम्पस भित्र स्वच्छता रहोस र कक्षामा निरन्तरतामा सहज होस भनेर क्याम्पसलाई डस्टबिन, सेनेटरी प्याड र डिटोल हयान्ड्वास प्रदान गरिएको क्याम्पसका अध्ययनरत विध्यार्थी आदित्य महतोले चियाेचर्चाे खबरलाई जानकारी दिए ।
उनीहरूले आइतवार बिहान क्याम्पस प्रमुख उमेश तिमल्सिनालाई एक थान डष्टबिन, १० प्याकेट सेनेटरी प्याड र दुई भाँडा डिटोल हस्तान्तरण गरिएका क्याम्पस प्रशासनले जनाएको छ ।
