लालबन्दी,चैत -१५,सुनकोशी- मरिण बहुदेशिय आयोजनाबाट बागमती नदी पूर्वका उत्तरी क्षेत्र सिँचाई सम्भाव्यता अध्ययनका विषयमा लालबन्दीमा भएको सर्वदलीय सर्वपक्षीय छलफल विभिन्न निर्णय गर्दै सम्पन्न भएको छ।
छलफलले सिन्धुली जिल्लामा हाल निर्माणाधिन सुनकोशि मरिन आयोजनाबाट मधेश प्रदेशका विशेषगरि सर्लाही जिल्लाको बागमती, हरिवन, लालबन्दी र इश्वरपुर नगरपालिका तथा महोत्तरी जिल्लाको वर्दिवास नगरपालिकाको उत्तरी क्षेत्रमा सिंचाइ एवम् खानेपानीको सुविधा नपुग्ने भएको र उत्तरी क्षेत्रमा दिन प्रतिदिन सुख्खाग्रस्तको अवस्था वढदो गतिमा रहेकोले यस क्षेत्रमा रहेका वासिन्दा र कृषकहरुलाइ खानेपानी एवम् सिंझझझगचाइको सुविधा उपलब्ध गराउन उक्त आयोजनाको थप सम्भाव्यता अध्ययन गरि आयोजनाको विस्तारिकरण गरिदिन नेपाल सरकार प्रधानमन्त्री तथा मन्त्रीपरिषदको कार्यालय, खानेपानी मन्त्रालय, ऊर्जा,जलस्रोत तथा सिंचाइ मन्त्रालय र राष्ट्रिय योजना आयोगमा मा सिफारिस गरि पठाउने निर्णय गरेकोमा छ ।
छलफल पछि सिन्धुली जिल्लामा हाल निर्माणाधिन सुनकोशि मरिण वहुउदेश्यीय आयोजनालाइ सर्लाही र महोत्तरी जिल्लाको उत्तरी वेल्टमा समेत विस्तारिकण गर्ने सम्वन्धमा सम्भाव्यता अध्ययन एवम् सुझाव संकलन गरि नेपाल सरकारसंग पहल गरि प्रकृया अगाडि वढाउन कार्यदल, सल्लाहाकार र विज्ञ समुह गठन गर्ने निर्णय गरिएको छ।
कार्यदलमा लालबन्दी नगरपालिका का नगर प्रमुख अध्यक्ष हरिवन,बागमती ,ईश्वरपुर नगरपालिका प्रमुख,नेपाली कांग्रेस, नेकपा एमाले, नेकपा माओवादी केन्द्र, नेकपा एकिकृत समाजवादी र जिल्ला स्थित क्रियाशिल राजनैतिक दलका प्रतिनिधिहरु सदस्य रहेका छन् ।त्यस्तै, सुनकोशि सामुदायिक सेवा समाजको प्रतिनिधि सदस्य रहेका छन् ।
छलफल पछि सल्लाहाकार समुह पनि गठन गरिएको छ। जसमा पूर्व मन्त्री महिन्द्र राय यादव प्रतिनिधि सभाका सदस्य(सर्लाही क्षेत्र नं- २) नेपाल सरकारका रक्षामन्त्री हरि उप्रेती प्रतिनिधि सभाका सदस्य(सर्लाही क्षेत्र नं -३) संघीय सांसद राम प्रकाश चौधरी प्रतिनिधि सभाका सदस्य(सर्लाही क्षेत्र नं -१) ,पूर्व राज्य मन्त्री एवम् संविधान सभा सदस्य सम्भुलाल श्रेष्ठ, वेची लुङ्गेली प्रदेश सभा सदस्य (सर्लाही क्षेत्र नं १(ख) र जवाहार लाल कुशवाहा प्रदेश सभा सदस्य (सर्लाही क्षेत्र नं ३(ख) रहेका छन् ।
छलफलले विज्ञ समुह पनि गठन गरेको छ । जसमा विद्युत विज्ञ चेत प्रसाद वराल र नापी विज्ञ वलराम पोखरेल रहेका छन् ।
लालबन्दी नगरपालिका का प्रमुखको (मेयर )वासुदेव अधिकारीकाे सभाध्यक्षता तथा पूर्व खानेपानीमन्त्री एवम् सर्लाही क्षेत्र नं -२ का सांसद महिन्द्र रायको प्रमुख आतिथ्यतामा कार्यक्रम भएको हाे । कार्यक्रममा सर्लाही क्षेत्र नं.१ का सांसद रामप्रकाश चाैधरी, प्रदेश सभा सदस्य बेची लुंगेली,संविधानसभा सदस्य एवम् पूर्व मन्त्री शम्भुलाल श्रेष्ठ , रञ्जना सरकारकाे विशिष्ट आतिथ्यता रहेको थियो ।
कार्यक्रममा वक्ताहरूले आयोजनाकाे आवश्यकता र औचित्य औल्याएका थिए ।
छलफलमा सुनकोशी मरिण बहुदेयतशिय आयोजनाबाट उत्तरी क्षेत्रमा सिँचाई सुविधा पुर्याउन सकिने सम्भावनाका विषयमा नेपाल विद्युत प्राधिकरणका अवकाश प्राप्त ईन्जिनियर चेत प्रसाद बरालले आधारहरु प्रस्तुत गरेका थिए ।
उनले आयोजनाबाट उत्तरी क्षेत्रमा समेत सिँचाई पुर्याउन सकिने मुख्य दुई ओटा आधार प्रस्तुत गरेका । उनका अनुसार आयोजना अन्तरगत समुद्री सतहबाट ४०७ मिटर उचाईमा रहेको सिन्धुलीको कुसुमटारमा बन्ने विद्युत गृहबाट पाईप लाईन मार्फत समुद्री सहतहबाट ४०० मिटर उचाईमा रहेको लखनदेही खोलाको सहायक खोला ड्यानी खोलामा पानी झार्न सकिन्छ ।
त्यस्तै ईन्जिनियर बरालले प्रस्तुत गरेको अर्को विकल्पमा कुसुमटारबाट १३/१४ किलोमिटरमा पर्ने मरिन खोलामा ड्यामको सहायताले फुलवारी खोला क्रसगरी खयरसाल बाघघारी गाउँ छिचोली चुरेको भित्तमा ल्याउन सकिन्छ । र ४.५ किलोमिटर पाईपलाईन र ७.५ किलोमिटर सुरुङ्ग समेत गरी १२ किलोमिटरमै ड्यानी खोलाको पुच्छारमै पानी झार्न सकिन्छ । त्यसरी लखनदेही खोलामा पथान्तरण भएको पानीले बागमती नहर पूर्वका उत्तरी क्षेत्रका ठुलो क्षेत्रफल भूभाग सिंचाई गर्न सकिन्छ ।
सरकारले महत्वकांक्षी आयोजनाको रुपमा सुरु गरेको सुनकोशी मरिन डाइभर्सनबाट हाल सिंचित ४५ हजार हेक्टर जमिनका अलवा थप ७७ हजार हेक्टर गरी कुल १२२ हजार हेक्टर जमिन सिंचाई गर्ने लक्ष्य राखेपनि त्यसले बागमती नहर पूर्वका उत्तरी क्षेत्रका ठुलो क्षेत्र सिंचाई सुविधाबाट बञ्चित हुने भएपछि सम्भाव्यता अध्ययन थालिएको थियो ।
छलफल कार्यक्रममा मेयर, उपमेयर, प्रदेश सांसद, संघीय सांसद, विभिन्न दलका स्थानीय तथा केन्द्रस्तरका नेताहरुको सहभागिता रहेको छ ।
