हरिवन,फागुन १४— नेपाल मगर संघ सर्लाहीले संघको ३९ औं स्थापना दिवसको अवसरमा हरिवनमा बृहद् साँस्कृतिक कार्यक्रम गर्ने भएको छ ।
मगर संघ सर्लाहीले शुक्रवार पत्रकार भेटघाटको आयोजना गर्दै स्थापना दिवसको अवसरमा भोली (शनिवार) हरिवनको सुर्तिबिकास मैदानमा मगर समुदायको कला सँस्कृति झल्काउने झाँकी लगायत विविध साँस्कृतिक कार्यक्रम गर्ने भएको हो ।
नेपाल मगर संघ सर्लाहीका अध्यक्ष तेजनारायण आलेका अनुसार १५ गते हरिवनमा भव्यताका तथा विविध साँस्कृतिक कार्यक्रम गर्दै मगर संघ स्थापना दिवस मनाइनेछ । कर्यक्रममा मगर समुदायको भेषभूषा, कला, सँस्कृति भल्काउने झाँकी सहित कार्यक्रममा राष्ट्रिय स्तरका चर्चित कलाकारहरुको समेत प्रस्तुती रहने कार्यक्रम संयोजक कामना क्याप्छाकी मगरले जानकारी दिए । क्याप्छाकीका अनुसार कार्यक्रम स्थलमा मगर समुदायको परम्परागत खानेकुराहरुको स्टल समेत राखिने छ ।
हरेक बर्ष फागुन १५ गते मगर संघ स्थापना दिवसको रुपमा मगर समुदायले देशव्यापी रुपमा विविध कार्यक्रम गरेर मनाउने गर्दछन् । कार्यक्रममा चर्चित गायिका प्रिती आले लगायत कलाकारहरु आउने बताईएको छ । पत्रकार भेटघाटमा प्रदेश सांसद बेची लुङ्गेली, नेपाल मगर संघका केन्द्रिय सदस्य लेखराम जर्घा,नेकपा सर्लाहीका नेता सुरेन्द्र लामा लगायतको सहभाथिता रहेको थियो ।
