कृष्ण थपलिया /सर्लाही
कार्तिक-१२,सर्लाही प्रहरीले जिल्लाकाे कबिलासी नगरपालिका -९,सलेमपुरबाट २५० किलाे गाँजा सहित २ जनालाई नियन्त्रणमा लिएको छ ।
गाँजा लगिरहेको गोप्य सूचनाको आधारमा ईलाका प्रहरी कार्यालय हरिपुरबाट खटिएको प्रहरी टाेलिले शनिवार राति अन्दाजी -९ ,बजेको समयमा प्रतिबन्धित लागु औषध गाँजा सहित ट्याक्टर , ट्याक्टर चालकलाई नियन्त्रणमा लिएको हाे।
प्रकाउ पर्नेहरूमा कबिलासी नगरपालिका १० सलेमपुरका २८ वर्षीय चालक भाग्यनारायण महताे र साेही स्थान बस्ने २४ वर्षीय रवि भनेर चिनिने रविन्द्र राय रहेका छन् ।
उनीहरूलाई प्रहरीले भलुवाहीबाट गम्हरिया तर्फ जादै गर्दा झिम नदीको किनारमा ज १ त ५५५१ नम्बरको ट्याक्टर सहित नियन्त्रणमा लिएको जिल्ला प्रहरी कार्यालय मलंगवाका प्रहरी प्रमुख उपरीक्षक प्रविण धितालले पत्रकार सम्मेलन मार्फत जानकारी दिए ।
उनका अनुसार बरामद भएको १९ पाेका (२५०) किलो गाँजाको अन्दाजी नेपाली बजार मूल्य ३० लाख रहेको छ ।
त्यस्तै जिल्ला प्रहरी कार्यालय र मातहत का २०८ प्रहरी युनिटबाट खटिएको प्रहरीले असाेज २८ गते देखी कार्तिक ११ गते सम्म अवैध भन्सार छलीका अन्दाजी ३३,७१,०२० बराबरको सामानहरु नियन्त्रणमा लिई आवश्यक कार्वाहीको लागि भन्सार कार्यालय मलंगवामा बुझाएको प्रहरी उपरीक्षक धितालले जानकारी दिए ।
