सर्लाही,असोज-१८,मोटरसाईकलमा जडान गरिएको जिपिएसको आधारमा सर्लाहीको ईश्वरपुर नगरपालिका–१३बाट चोरिएको मोटरसाईकलसहित एक व्यक्तिलाई प्रहरीले पक्राउ गरेकाे छ ।
मोटरसाईकल चोरीको आरोपमा प्रहरीले ईश्वरपुर–१३ बस्ने २८ वर्षिय रामकरण महतोलाई पक्राउ गरेको हो । लालबन्दी-१७ बाट सुबोध घिमिरेको चोरी भएको मोटरसाईकललाई खोज्दै जाँदा मोटरसाईकल चोर रामकरण महतोलाई पक्राउ गर्न सफल भएको सर्लाहीका प्रहरी प्रवक्ता प्रहरी नायव उपरीक्षक दिपेन्द्र पंजियार(थारुले )जानकारी दिए।
लालबन्दीबाट चोरिएको मोटरसाईकलमा जिपिएस जडान गरिएको थियो । जिपिएसको आधारमा मोटरसाईकल चोरलाई प्रहरीले पक्राउ गर्न सफल भएको प्रहरी नायव उपरीक्षक पंजियारले जानकारी दिए ।
मोटरसाईकल चोर महतोको घरबाट अन्य चोरीका मोटराईकल, मोटरसाईकलका मार्टहरु, मोटर पम्पहरुसमेत बरामद भएको ईलाका प्रहरी कार्यालय ईश्वरपुरले जनाएको छ ।
महतोले चोरीको मोटरसाईकललाई आफ्नै घरमा ल्याएर मार्टपार्ट गरी खोल्ने, नम्बर चेन्ज गर्ने लगायतका काम गर्दै आएका थिए ।
प्रहरीले महतोको घरबाट पार्ट–पार्ट छुट्याईएको अवस्थामा थुपै मोटरसाईकलको समानहरु समेत बरामद गरेका छन् । महतोसंगै गिरोहको संलग्नतामा मोटरसाईकल चोरीको घट्ना हुनेगरेकाे प्रारम्भिक अनुसंधानबाट खुलेको प्रहरीले जनाएको छ । गिरोहका अन्य व्यक्तिको खोजी भइरहेको प्रहरीले जनाएको छ ।
