सर्लाही,असाेज-३,नेकपा(एकीकृत समाजवादी) लालबन्दी नगर कमिटीले संविधान दिवसकाे अवसरमा शुभकामना आदानप्रदान तथा दीप प्रज्वलन गरेको छ ।
बुधवार साँझ पूर्वपश्चिम राजमार्ग अन्तर्गत लालबन्दी बीच भाग एनआईसी बैंक अगाडि दीप प्रज्वलन गरि शुभकामना आदानप्रदान गरेको हाे ।
कार्यक्रममा मधेस प्रदेश सभा सदस्य बेची लुंगेली,केन्द्र ,जिल्ला र नगर कमिटीका प्रतिनिधिहरूकाे उपस्थित रहेको नेकपा(एकीकृत समाजवादी) लालबन्दी नगर कमिटीले जनाएको छ ।
त्यस्तै नेपाल विद्यार्थी संघ सर्लाहीले पनि दिवसको अवसरमा दीप प्रज्वलन गरेको छ ।
नेपाल विद्यार्थी संघ सर्लाहीले बुधवार साँझ जनज्योति बहुमुखी क्याम्पस प्राङ्गणमा दीप प्रज्वलन गरेको हाे ।
नेविसंघ नेताहरु लवहरि ढुङ्गेल, प्रवेश न्यौपाने, नितेश कुमार पन्त, निर्मल अधिकारी (सफल), अन्सु पोखरेल, इर्साद हुसेन, समिर सिंह, अस्मिता चौधरि, प्रीयान्सु कर्ण, विवेक सिन्जाली मगर, विवेक कर्णलगायतको उपस्थितिमा दिप प्रज्वलन गरिएको नेविसंघ सर्लाहीले जनाएको छ ।
दीप प्रज्वलन कार्यक्रममा विद्यार्थी संघका नेता लवहरि ढुङ्गेलले नेपालको संविधान २०७२ बारेमा प्रष्ट पारेका थिए ।
दिवसको अवसरमा बुधवार साँझ विभिन्न राजनीति दल तिनका भ्रातृसंगठन, सरकारी तथा गैरसरकारी संस्थाले सर्लाहीसहित देशैभर दीप प्रज्वलन गरेका छन् ।
