सर्लाही,साउन-१०,जिल्लाकाे पर्सा गाउपालिका वडा नम्बर ४ जिगंडवामा बुधवार बिहान मोटरसाइकलले ठक्करबाट एक वालिकाकाे मृत्यु भएको छ ।
बिहान ९ अन्दाजी बजे बाख्रा चराउन गएकी १० बर्षिय बालिकालाइ पहिचान नखुलेको माेटरसाइकलले ठक्कर दिदा घटनास्थलमै मृत्यु भएको संग्रामपुर बि.ओ.पि.सशस्त्र सुरक्षा चौकिले जनाएको छ ।
जिगंडवाबाट संग्रामपुर तर्फ तिब्र गतिमा गइरहेको मोटरसाइकलले पर्सा गाउपालिका–४ जिगंडवा का हरि बिरेन्द्र पासवानकाे १० वर्षीया छाेरी मनिषा कुमारी पासवानलाई सशस्त्र पहरिकाे बि.ओ.पि. देखि तीन -चार सय मिटर उत्तर रहेको इटा भटा अगाडी ठक्कर दिदाँ बालिकाको घटनास्थलमै मृत्यु भएको प्रहरीले जनाएको छ।
बिहानको समय रहेकोले बाटोमा कम ओहर दोहर भएको कारण अपराधी उम्किन सफल भएको र प्रत्यक्षदर्शीले बताएको हुलिया अनुसार पसलहरुमा जडान गरिएको सिसिटिभी क्यामराहरुबाट पहिचान गर्ने कार्य भइरहेको जिल्ला प्रहरी कार्यालय मलंगवाले जनाएको छ ।
बालिकाको शव पाेस्टमार्टमका लागि जिल्ला अस्पतालमा राखिएको छ ।
