सर्लाही,असार -२२,नेपाल क्याेकुशिन कान कराते सर्लाही जिल्ला अध्यक्षमा गाेपाल श्रेष्ठ निर्विरोध चयन भएका छन् ।
निवर्तमान अध्यक्ष गाेविन्द महतको अध्यक्षतामा हाेटल युनाइटेड इनिनि लालबन्दीमा सम्पन्न साधारणसभाले श्रेष्ठ अध्यक्ष रहने गरि ७ सदस्य जिल्ला कार्यसमिति चयन गरेको हाे ।
नवनिर्वाचित अन्य पदाधिकारीहरूमा बिजु लामा उपाध्यक्ष,शशि देवकोटा सचिव,सजिना वाइबा सहसचिव,सहदेब केसी काेषाध्यक्ष,शक्ति साह र विश्व लामा सदस्य रहेका छन् ।
साधारणसभाले संस्थापक अध्यक्ष एवम् प्रशिक्षक भिम प्रसाद काफ्ले (सुवास ) र सत्यनारायण चाैधरी शशिलाई सल्लाहकार चयन गरेको छ ।
साधारणसभामा लालबन्दी -५ का वडाध्यक्ष मीन प्रसाद ढुंगेल ,लालबन्दी -४ का वडाध्यक्ष सत्यनारायण चाैधरी,लालबन्दी -९ का वडाध्यक्ष नारायण अधिकारी र लालबन्दी -७ का वडाध्यक्ष गाेपाल कार्कीले शारीरिक तन्दुरुस्ती र नगरकाे गाैरव बढाउने खेल क्षेत्रकाे बिकाशमा वडाको तर्फबाट सक्दाे सहयोग गर्ने प्रतिबद्धता व्यक्त गरे ।
नवनिर्वाचित अध्यक्ष श्रेष्ठले क्याेकुशिन कान करातेकाे माध्यमबाट नगर,जिल्ला हुदै राष्ट्रकै गाैरव बढाउने दिशामा आफूले काम गर्ने प्रतिबद्धता व्यक्त गरे ।
साधारणसभामा खेल प्रेमी समाजका अगुवा,पूर्व तथा वर्तमान खेलाडीकाे उल्लेखनीय उपस्थिति रहेको थियो ।
क्याेकुशिन कान कराते सर्लाहीले राष्ट्रिय तथा अन्तर्राष्ट्रिय खेलाडी उत्पादन गरिसकेको छ,भने यसबाट सयौं खेलाडी उत्पादन भएका छन् ।
सर्लाहीका संस्थापक प्रशिक्षक भिम प्रसाद काफ्ले (सुवास)ले क्याेकुशिन कान करातेकाे बिकासमा ४ दशक बढी समयदेखि सेवा गर्दै आएका छन् ।
