सर्लाही,असार-२२,जिल्लाकाे हरिवन नगरपालिका -५ घुर्काैलीमा एक श्रीमानले आफ्नै श्रीमतीको हत्या गरेका छन् ।
जिल्ला प्रहरी कार्यालय मलंगवाका अनुसार शुक्रवार (आज) मध्याह्न अन्दाजी १२:३० बजेको समयमा हरिवन- ५ घुर्कौलीका अन्दाजी ३५ वर्षीय (राम भरोश) भन्ने अर्जुन महतोले धारिलो हतियार ( खुकुरी ) ले घाँटिमा प्रहार गरी श्रीमतीको हत्या गरेका हुन ।
जिल्ला प्रहरी कार्यालय मलंगवाका सूचना अधिकारी, प्रहरी नायब उपरीक्षक दिपेन्द्र पंजियारका अनुसार महताेले घरायसी झगडाको कारण आफ्नै श्रीमती अन्दाजी २८ वर्षीया नैन कुमारी महतोलाई हत्या गरेका हुन । प्रहरीले हत्या संलग्न महतोलाई घरबाट नियन्त्रणमा लिई अनुसन्धान प्रक्रिया अघि बढाएकाे छ।
