सर्लाही,वैशाख -१५, सदरमुकाम मलंगवामा शुक्रवार बिहान ग्यास लिक भएर आगलागी हुँदा एकै परिवारका तीन जना घाइते भएका छन् । घाइते हुनेमा एक नाबालक पनि रहेका छन् ।
मलंगवा –१० स्थितमा कोठा भाडामा लिएर बस्ने ४० वर्षीय अहमद मन्सुरीको कोठामा खाना पकाउने क्रममा ग्यास लिक भएर आगलागी भएको प्रहरीले जनाएको । आगलागीबाट ९ महिनाको छोरीसहित अहमद र उनकी श्रीमती काजुल मन्सुरी जलेर घाइते भएका छन् ।
घटनालगत्तै पुगेको प्रहरी टालीले मन्सुर परिवारलाई उद्धार गरी प्रादेशिक अस्पताल मलंगवा पुर्याइएको प्रहरीले जनाएको छ ।
चिकित्सकका अनुसार उनीहरूकाे १५ प्रतिशत शरिरकाे भाग जलेको छ ।
