अजितकुमार सिंह सर्लाही,चैत–६,सदरमुकाम मलंगवास्थित सर्लाही क्याम्पसकाे स्ववियु सभापतिमा नेकपा एमाले निकट अनेरास्ववियुका धर्मेन्द्र राय र उपसभापतिमा नेपाली कांग्रेस निकट नेविसंघका काैसर अलि विजयी भएका छन् ।
उनी ५५ मतान्तरले सभापतिमा चयन भएका हुन् । रायले ३८६ मत प्राप्त गर्दा उनका निकटतम प्रतिस्पर्धी कांग्रेस निकट नेविसंघका सुजित यादवले ३३१ गरे ।
मधेशवादी गठवन्धन दलका रामप्रवेश साहले २६२ मत प्राप्त गरे ।
यता हरिवन सुखेपोखरीस्थित चतुर्भूजेश्वर जनता बहमुखी क्याम्पसमा पुनः मतगणना हुने भएको छ ।
हिजो भएको स्ववियु निर्वाचनमा त्यहाँ ७११ मत खसेको थियो । मतगणनाका क्रममा ७१२ वटा मतपत्र प्राप्त भएपछि त्यहाँको मतपरिणाम सार्वजनिक हुन सकेन । आज बिहान ९ बजे सर्वपक्षिय बैठक बसेर पुनः मतगणना गरिने भएको हो ।
