सर्लाही,चैत-४,स्वतन्त्र विद्यार्थी युनियनको निर्वाचन २०७९ का लागि जनज्योति बहुमुखी क्याम्पस लालबन्दीमा मतदान स्थल निर्माण कार्य सम्पन्न भएको छ।
चैत्र ५ गते (भाेलि) सम्पन्न हुने स्वतन्त्र विद्यार्थी युनियनको निर्वाचनका लागि तयारी पूरा भएको निर्वाचन अधिकृत धर्मेन्द्र अधिकारीले बताए।
चार जना मतदान अधिकृत, मतदान अधिकारीहरू र कर्मचारीहरूलाई समेत जिम्मेवारी तोकि सकिएको निर्वाचन अधिकृत अधिकारीले बताए।
निर्वाचन अधिकृत अधिकारीका अनुसार चैत्र ५ गते बिहान ८:०० बजेदेखि मतदान सुरु भई ४:०० बजे सम्म चल्ने छ। मतदान सकिए लगत्तै सर्वपक्षीय बैठक राखी मतगणना सुरु गरिने स्ववियु निर्वाचन समितिका प्रवक्ता बाबुराम दाहालले जानकारी दिए ।
प्रवक्ता दाहालका अनुसार सुरक्षालाई मध्यनजर गर्दै मतगणना स्थलमा तारजालीकाे घेराबेरा गरि सिसिक्यामेरासमेत जडान गरिएको छ ।
