सर्लाही,फागुन-२७,नेपाल स्काउट र हरिपुर नगरपालिकाको आयोजनामा ५२१ बि.टि.सि तथा ३८० पिटिसि तालिम जिल्लाको हरिपुरमा सुरु भएको छ।
६ दिनसम्म संचालन हुने आधारभूत प्रशिक्षणमा जिल्लाका विभिन्न विद्यालयका शिक्षक र विद्यार्थीको सहभागीता रहने हरिपुर नगरपालिका शिक्षा शाखा प्रमुख नागेश्वर रायले जानकारी दिए।
प्रशिक्षणको हरिपुर नगरपालिका मेयर गोपाल पजियाले शनिवार (आज) हरिपुरको चिताइन स्थित खेल मैदानमा एक कार्यक्रमका बीच उद्घाटन गरे ।
आधारभूत प्रशिक्षणमा ६४ जना प्रतिक्षार्थी रहने छन्। उद्घाटन समारोहमा हरिपुर नगरपालिकाका प्रमुख प्रशासकीय अधिकृत दिवाकर भुजेल , प्रशासनका अधिकृत विनय पौडेल,आर्थिक शाखाका प्रमुख भुपेन्द्र सिंह लगाएकाको सहभागीता रहेको थियोे ।
दैवीप्रकोप ,विपत्त तथा जोखिम उद्धारका लागि ११ वर्ष देखि १६ वर्ष उमेर विद्यार्थीका लागि यो तालिम प्रभावकारी हुने प्रशिक्षक कृष्ण चालीसले जानकारी दिए ।
स्काउटका प्रशिक्षार्थीहरुले हरिपुर नगरपालिका मेयर गोपाल पजियार सामू आफ्नो कलाकौशल प्रस्तुत गरेका थिए। विपत्तिका बेला आइपर्ने समस्यादेखि जीवन उपयोगी शिक्षा स्वास्थ्य र विपत्तको पूर्व जानकारी त्यसबेला आइपर्ने आफ्नो सुरक्षा , बौद्धिक ज्ञान , नैतिक ज्ञान , शाररिक, मानसिक, धार्मिक ज्ञान सिकाइने नेपाल स्काउट जानकारी दिएको छ ।
पुरुष राष्ट्रिय प्रशिक्षकमा कृष्ण चालिसे, महिला राष्ट्रिय प्रशिक्षक रतना देवी चावल,सहायक राष्ट्रिय प्रशिक्षक गंगा प्रसाद मैनाली, सहायक राष्ट्रिय प्रशिक्षक शिखर सिग्देल लगायतका प्रशिक्षकहरुले ६ दिनसम प्रशिक्षण गर्ने छन् ।
