चियोचर्चो खबर
मूर्तिया, माघ २२ – नेपाल कम्युनिष्ट पार्टीका केन्द्रीय सदस्य एवं सर्लाही ईन्चार्ज डाचाराज वाग्लेको माेटरसाइकल दुर्घटनामा परि मृत्यु भएको छ । बरहथबाबाट नयाँरोडतर्फ आउँदै गर्दा मूर्तिया चोकबाट केही अगाडि वन कार्यालय नजिक नयाँरोड–बरहथवा सडकखण्डमा बुधबार राती ९ बजे लडिरहेको अबस्थामा वाग्लेलाई स्थानीयले देखेका थिए ।
स्थानीयले खबर दिए पछि प्रहरी घटनास्थल पुगेको थियो । प्रहरीका अनुसार वाग्ले ज. १० प ३२०६ नम्बरको मोटरसाईकलमा बरहथवाबाट नयाँरोडतर्फ आउँदै थिए । बरहथवा स्थित प्राथमिक स्वास्थ्य केन्द्रमा पुर्याउँदा चिकित्सकले वाग्लेको मृत्यु भईसकेको बताएको ईलाका प्रहरी कार्यालय बरहथवाका प्रमुख प्रहरी नायब उपरीक्षक उद्यव सिंह भाटले जानकारी दिए । प्रनाउ भाटका अनुसार प्रहरी टोली घटनास्थल पुग्दा वाग्लेको टाउकोमा हेल्मेट र आँखामा चश्मा थियो । ‘आँखाको छेउमा निलडाम जस्तो देखिएको थियो, अन्य ठूलो चोटपटक देखिएको थिएन, चोटपटक हेर्ने भन्दापनि हतार हतार एम्बुलेन्समा राखेर उपचारका लागि बरहथवा स्थित प्राथमिक स्वास्थ्य केन्द्रतर्फ पठाएको प्रनाउ भाटले उज्यालो उनले भने । घटनास्थलको अवस्था हेर्दा आफै लडेको हो वा कुनै जनारसँग ठोक्किर लडेको हुनसक्ने अनुमान छ । अर्को सवारी साधनले ठक्कर दिएको जस्तो नदेखिने प्रनाउ भाटले बताए । नेकपा जिल्ला अध्यक्ष रेवती पन्तका अनुसार वाग्ले बुधबार दिउँसो बरहथवामा पार्टीको जिल्ला कमिटीको पूर्ण बैठकमा सहभागि भई पार्टीले नै बुधबार साँझ आयोजना गरेको मसाल जुलुसको नेतृत्व गर्न बरहथवामा बसेका थिए । पन्तका अनुसार उक्त मसाल जुलुस सम्पन्न गरेर नयाँरोडतर्फ फर्किने क्रममा वाग्ले मोटरसाईकल दुर्घटनामा परेका हुन् । वाग्ले संघीय संसद् विघटन प्रकरण पश्चात प्रचण्ड–नेपाल समूहमा सकृय थिए ।
