सर्लाही,माघ-२,जहाज दुर्घटनामा परि मृत्यु भएकाहरु प्रति सर्लाही लगाए देशैभर दीपप्रज्वलन गरि श्रद्धाञ्जली अर्पण गरिएको छ ।
सदरमुकाम मलंगवा,हरिवन, लालबन्दी लगाएतका जिल्लाका मुख्य क्षेत्रमा विभिन्न राजनीतिक दल र तिनका भातृ तथा शुभेच्छुक संस्था ,उद्योगी व्यवसायीलेफ दीपप्रज्वलीत गरि मृतकहरुप्रती श्रद्धाञ्जली अर्पण गर्दै आत्मा शान्तिकाे कामना गरेका हुन ।
मलंगवामा जिल्ला समन्वय समिति प्रमुख काैशल सिंहकाे नेतृत्वमा श्रद्धाञ्जली सभा सम्पन्न भएकाे हाे । श्रद्धाञ्जली सभामा प्रमुख जिल्ला अधिकारी, तीनै तहका सुरक्षा निकायका प्रमुख, नागरिक समाज र राजनीतिकदलका प्रतिनिधि सहभागी भएका थिए ।
त्यस्तै हरिवनमा पनि हरिवन सिटी जेसिआई,युथ रेडक्रस साेसाईटी हरिवनले दीपप्रज्वलन गरि श्रद्धाञ्जली अर्पण गरेको छ ।
कार्यक्रममा,नेपाली कांग्रेस सर्लाहीका सचिव निरज कार्की ,जिल्ला प्रशासन कार्यालय सर्लाहीका अधिकृत राजकुमार थापा ,हरिव ११ का वडाध्यक्ष शेष मेहमुद रेजा,बागमती सेवा समाजका अध्यक्ष भरतकुमार कार्की,जेसि बिनाेद महत, ईश्वर घलान लगाएको सहभागीता रहेको थियो ।
यता लालबन्दीमा पनि विभिन्न राजनीतिक दलका नेता कार्यकर्ता ,लालबन्दी नगर वाङ्मय परिषद्का पदाधिकारी ,मुद्रण उध्योग संघका पदाधिकारी,उध्योग वाणिज्य संघ लालबन्दीका कर्मचारी, तथा युवा व्यवसायीहरुले दीपप्रज्वलीत गरेर मृतकहरुप्रती श्रद्धाञ्जली अर्पण गरेका थिए ।
