कुमार दाहाल (कुसुम)
राैतहट,पुस-३०,बुढ्यौली साहित्य समाज रौतहट सर्लाहीको प्रथम भेला चन्द्रपुरमा सम्पन्न भएको छ ।
शनिवार जनज्योति बहमुखी क्याम्पस चन्द्रपुरको प्रेक्षालयमा सम्पन्न भेलामा सर्लाही र रौतहटका साहित्यकारहरूको उल्लेख्य सहभागीता रहेको थियो ।
साहित्यकार शालिग्राम शर्माको सभापतित्त्वमा तथा मकवानपुरका साहित्यकार रामचन्द्र आचार्यको प्रमुख आतिथ्यतामा कार्यक्रम सम्पन्न भएको कार्यक्रम सञ्चालक साहित्यकार रमेशमोहन अधकारीले चियाेचर्चाे खबरलाई जानकारी दिए ।
कार्यक्रममा प्रमुख अतिथि रामचन्द्र आचार्यले बुढ्यौली साहित्य अन्य सबै उमेर,वर्ग समूहका साहित्यझैँ बुढ्यौलीपन झल्काउने साहित्य भएको तर सबैखाले उमेर समूहका साहित्यकारहरू अटाउन सक्ने ससाहित्यिक संस्था भएको उल्लेख गरे।
बुढ्यौली साहित्य समाजको प्रथम भेलाले साहित्यकार लम्बोदर काफ्लेको अध्यक्षतामा सात सदस्यीय कार्य समिति चयन गरेको छ ।
जसमा उपाध्यक्षमा रेणु गुप्ता,सचिव किशुन दयाल श्रीकृष्ण, सहसचिव सञ्जय सुदामा, कोषाध्यक्ष राम आचार्य उदित, सदस्य घनश्याम पन्तलगायतका साहित्यकारहरू रहेका छन् ।नवगठित कार्समितिलाई साहित्यकार तथा पत्रकार सञ्जय साह मित्र, नारायण उपाध्याय लगायतले शुभकामना तथा बधाई ज्ञापन गरेका थिए ।
नवगठित समितिका अध्यक्ष काफ्लेले विभिन्न संघसंस्थाको सहयोगमा साहित्यिक गतिविधि गर्दै जाने बताउदै, साथ सहयोगको लागि आग्रह गरे ।
