सर्लाही,पुस-२५ ,जिल्लाकाे लालबन्दी नगरपालिका वडा नम्बर -५ का वडाध्यक्ष मीन प्रसाद ढुंगेल(रामु)ले वडाका वृद्धवृद्धालाई घरमै पुगेर सिरक र हर्लिक्स वितरण गरेका छन् ।
आज (साेमवार) वडाध्यक्ष ढुंगेलसाथ वडा सदस्यहरू सिरक र हर्लिक्स लिएर वृद्धवृद्धाकाे घरघरमै पुगेका थिए । वडाध्यक्ष ढुंगेलका अनुसार जेष्ठ नागरिक सम्मान कार्यक्रम अन्तर्गत वडामा स्थायी घर भई ७५ वर्ष पूरा भएका ८८ जना वृद्धवृद्धालाई घरमै पुगेर सिरक र हर्लिक्स वितरण गरिएको हाे । उनका अनुसार आज दिन बाकी रहेकालाई भाेली वितरण गरिने छ ।
आफुले मतदान गरेर विजयी गराएको वडाध्यक्ष सहित वडा सदस्यहरू घरघरमै आएर सम्मानका साथ सिरक र हर्लिक्स दिएकाेमा आफुहरूलाई अत्यन्तै खुसी लागेको स्थानीयले बताएका छन् । आगामी दिनमा पनि यस्ता कार्यलाई निरन्तरता दिइने वडाध्यक्ष ढुंगेलले बताए । वडाध्यक्षमा ढुंगेल निर्वाचित भएपछि,वडा बाटै विना झन्झट लेखापडीकाेका, विद्यूत फारम वडाबाटै भर्ने व्यवस्था हुनुकाे साथै स्थानीयलाई राहत हुने खालका धेरै काम भए स्थानीयले बताएका छन् ।
