लालबन्दी,पुस १५– लालबन्दी जेसिजको अध्यक्षमा ठाकुरप्रसाद बख्रेल (मनोज) सर्वसम्मत चयन भएका छन् ।
शुक्रवा सम्पन्न चौंथो साधारण सभाले बख्रेलको नेतृत्वमा जेसिज लालबन्दीको कार्य समिति चयन गरेको हो । समितिमा गणेश कार्की र सुनिता खरेल कार्यकारिणी उपाध्यक्ष, कृष्ण भण्डारी, प्रवेश न्यौपाने, उत्सव वन र रामकृष्ण चौलागाई उपाध्यक्षमा चयन भएका छन् ।
लालबन्दी जेसिजका अध्यक्ष सन्तोष कुमार पौडेलको अध्यक्षतामा वार्षिक साधारण सभा सम्पन्न गरी २०२३ का लागि नयाँ नेतृत्व चयन गरिएको हो । महासचिव र कानूनी सल्लाहकार पछि मनोनित गरिने छ ।
