मनोज यादव/सर्लाही
पुस- १४,जिल्लाको गोडैतामा नगरस्तरीय सल्लाहाकार समितिको बैठक सम्पन्न भएको छ ।
राष्ट्रिय रोजगार प्रबर्द्धन केन्द्र मलंगवाको आर्थिक सहयोगमा बिहीबार उक्त कार्यक्रम सम्पन्न भएको हो।
कार्यक्रममा गोडैता नगरपालिकाले हालसम्म भए,गरेका कृयाकलाप तथा आगामी योजनाहरुको बारेमा जानकारी गराउनुका साथै यसमा CESI परीयोजना र स्पोनसरसिप परीयोजनाको सन २०२२ मा सम्पन्न कृयाकलापहरु तथा आगामी योजनाहरुको बारेमा प्रस्तुतिकरण गरीएको थियो ।
बैठकमा विभिन्न गैर सरकारी संघ सस्थाका प्रतिनिधिहरुले पनि आआफ्नो संस्थाका बारेमा प्रस्तुतिकरण गरेका थिए ।
बैठक पश्चात् पालिकाको वडा न-७ मा रहेको आधारभुत स्वास्थ्य केन्द्र र वडा न-८ मा रहेको वेणी भोला नमुना माध्यमिक विद्यालयमा संचालित उधमशिलता विकास तथा व्यवसायिक योजना निमार्ण तालिमको साथै स्पोनसरसिप परीयोजनाबाट सहयोग भएको Resource school को समेत अनुगमन गरीएको थियो ।
नगरपालिको सभा हलमा सम्पन्न भएको बैठकमा नगरप्रमुख देवेन्द्र यादव ,उपप्रमुख,प्रमुख प्रशाशकिय अभिकृत लगायत पालिका अन्तर्गतका विभिन्न शाखाका प्रमुखहरुको उपस्थिति रहेको थियो ।
