रौतहट,मंसिर – १४, स्राेत नखुलेको ११ लाख भन्दा बढि नेपाली रूपैयाँ सहित राैतहटका दुई युवकलाई सशस्त्र प्रहरीले गौरबाट नियन्त्रणमा लिएको छ ।
प्रहरीले उनीहरूलाई विशेष सुचनाका आधारमा बुधवार (आज) अपरान्ह ४ बजे गौर नपा ५ बरहवा पुल नजिकबाट नियन्त्रणमा लिएको हाे ।
प्रदेश ३–०२ ०१३ प ४९५६ नम्वरको कालो रंगको पल्सर मोटरसाइकललाई संखा लागि चेकजाँच गर्दा गढिमाई नगरपालिका ४ सग्राम्पुरका २९ बर्षिय राजकुमार यादव र वडा नम्वर ९ बरियारपुरका ३३ बर्षिय राजेश प्रसाद यादवकाे साथबाट स्राेत नखुलेको ११ लाख ३९ लाख आठ सय रुपैया बरामद भएको सशस्त्र प्रहरी बल नेपाल ११ नम्वर गण हजमिनिया रौतहटले जनाएको छ ।
स्राेत नखुलेको रकम सहित पक्राउ परेका दुवै जना र मोटरसाइकललाई आवश्यक कारवाहीका लागि गौर भन्सार कार्यालय राैतहटमा जिम्मा लगाईएको सशस्त्र प्रहरीले जनाएका छन् ।
