मलंगवा, असोज -२४ , सर्लाहीको चक्रघट्टा गाउँपालिकाका अध्यक्ष चढ्ने स्पकारपियोको ठक्करबाट सोमबार सदरमुकाम मलंगवामा एक बालकको मृत्यु भएको छ ।
मृत्यु हुनेमा ईश्वरपुर नगरपालिका–१४, बस्ने हीरालाल मण्डलका चार वर्षिय छोरा निशान्त कुमार मण्डल रहेका छन् ।
बालकलाई गाउँपालिकाका अध्यक्ष कृष्णकुमार यादव चढ्दै आएको चक्रट्टा गाउँपालिकाको नाममा रहेको ना १ झ १७०० नम्वरको स्पकारपियोले सोमबार दिउँसो ३ बजेतिर नवलपुर–मलंगवा सडकमा मलंगवाबाट उत्तरतर्फ आउँदै गर्दा मलंगवा नगरपालिका–४, शिवसागर चोकमा ठक्कर दिएको थियो ।
स्पकारपियोको ठक्कारबाट गम्भिर घाईले बालकको घटनास्थलमै मृत्यु भएको प्रहरीले जनाएको छ । मृतक बालकको शव पोष्टमार्टमका लागि प्रादेशिक अस्पताल मलंगवामा राखिएको छ । दुर्घटनामा संलग्न गाडी र त्यसका चालक जिल्ला प्रहरी कार्यालय मलंगवाको नियन्त्रणमा छन् ।
