सर्लाही,आश्विन- १४, दुर्घटनामा ज्यान गुमाएका एक ब्यक्तिको परिवारलाई एन आई सी एशियाको सर्लाही जिल्ला स्थित चक्रघट्टा गाउँपालिकामा रहेको शाखाले बिमा बापत १० लाख रुपैयाँको चेक हस्तान्तरण गरेको छ।
एन आई सी एशिया बैंकको चक्रघट्टा शाखामा सर्वश्रेष्ठ बचत खाता खोलेका निखिल प्रसाद चौधरीको दुर्घटनामा मृत्यु भएपछि निजको बुवा मुकेश प्रसाद चौधरीलाई शुक्रवार(आज) दिउँसो एक कार्यक्रमको आयोजना गरि बैंकका मधेश प्रदेश प्रमुख अमित के.सी ले दुर्घटना बिमा
वापत १० लाख रुपैयाँको चेक हस्तान्तरण गरेका हुन । बैंकको बचतसँगै बीमा फाइदाको सुविधा अन्तर्गत निज खातावालाको दुर्घटनाबाट मृत्यु भएपछि निजको परिवारलाई खाता वापतको रकम प्रदान गरिएको चक्रघट्टा शाखाले जानकारी दिएको छ। बैंकले सो बीमा रकम नेपाल इन्स्योरेन्ससँगको सहकार्यमा भुक्तानी गरेको हो ।
बैंकको बचत खातामा उपलब्ध बीमा सुरक्षण योजना अन्तर्गत हालसम्म देशभरका १,८६४ जनाभन्दा बढी ग्राहकहरूले घातक रोग बीमा वापत २ करोड ९० लाख रुपैयाँ, दुर्घटना बीमा वापत १ करोड १० लाख रुपैयाँ र मेडिकल बीमा वापत ३ करोड ४३ लाख रुपैयाँ गरी कुल ७ करोड ४३ लाख रुपैयाँभन्दा बढी बीमा रकम प्राप्त गरिसकेको शाखाले जनाएको छ।
देशको दुरदराजमा रहका लाखौं ग्राहकहरू माझ सहज, सबल, गतिशील, विश्वसनीय र उत्तरदायी बैंकिङ्गको अभ्यास
गर्दै आइरहेको बैंकले निक्षेप रकममा अधिकतम प्रतिफल दिने उद्देश्यका साथमा ४ जनालाई ५ वर्षको लागि रू. ८४ लाखसम्मको बीमा सुविधा रहेको सर्वश्रेष्ठ बचत योजनाहरु सञ्चालन गरिरहेको छ ।
यस योजनामा सर्वाधिक उच्च ब्याजदर ५ वर्षसम्म रू.८४ लाखसम्मका ३ बीमा १८ (वटा घातक रोगहरूको बीमा, दुर्घटना बीमा र मेडिकल बीमा) सम्बन्धी सर्वश्रेष्ठ फाइदाहरू, ३ कर्जा सम्बन्धी सर्वश्रेष्ठ फाइदाहरू र १८ अन्य अतुलनीय सर्वश्रेष्ठ फाइदाहरू गरी कुल २४ सर्वश्रेष्ठ फाइदाहरू समावेश छन् ।
साथै, यस बचत योजना अनुसार ग्राहकहरुले प्राप्त गर्ने बीमा, कर्जा सम्बन्धी सुविधाहरू लगायत डेबिट कार्ड, मोबाइल बैंकिङ्ग, इन्टरनेट बैंकिङ्ग, क्रेडिट कार्ड, प्रिपेड डलर
कार्ड, डिम्याट खाता, मेरो शेयर खाता, ई-कमर्श सेवा, चेक क्लियरिब, आरटिजिएस, आइपिएस/सी आइपिएस/फन्ड
ट्रान्सफर, लकर मार्जिन, लकर सेवा र एटिएम सेवाहरू ग्राहक एवम् निजले मनोनित गरेका अन्य ३ व्यक्तिहरूका लागि समेत पाँच वर्षको लागि पुर्ण रुपमा निःशुल्क हुने व्यवस्था बैंकले गरेको छ ।
एन आई सी एशिया बैंक मुलुकमा सबैभन्दा धेरै बैंकिङ्ग सञ्जाल विस्तार गरेको बैंक रहेको छ। यस बैंकले मुलुकभर ३५९ शाखा कार्यालयहरू, ४७३ एटिएम, १०२ वटा विस्तारित काउन्टर एवम् ८१ वटा शाखा रहित सेवा सञ्जाल विस्तार
गरेको छ ।
देशको कुल जनसंख्यामध्ये २० वर्षदेखि ५० वर्ष उमेर समूहसम्मको आर्थिक रूपमा सक्रिय जनसंख्याको
करिब २५ प्रतिशत जनतालाई सेवा दिन यस बैंक सफल भएको बैंकको दाबी छ ।
देशको अर्थतन्त्रको सवलीकरण तथा उच्च आर्थिक वृद्धिमा टेवा पुर्याउन उत्तरदायी बैंकिङ्गको अभ्यास गर्दै स्थापना
कालदेखि हालसम्ममा प्रत्यक्ष र अप्रत्यक्ष गरी कुल रू. १९ अर्ब ९२ करोड भन्दा बढी राजश्व नेपाल सरकारलाई
भुक्तानी गरेको र गत आर्थिक वर्षमा रू.३ अर्ब ४१ करोड भन्दा बढी राजश्व नेपाल सरकारलाई बुझाई समग्र वाणिज्य
बैंकहरूमध्ये सबैभन्दा बढी कर दाखिला गर्ने बैंकको रुपमा स्थापित हुन बैंक सफल भएको बताइएको छ ।
जुन समग्र देशको अन्य कम्पनीहरूको तुलनामा छैठौं ठूलो योगदान रहेको छ । वित्तीय समावेशीकरणका लागि मुगु, कालिकोट, बझाब, रूकुम,जुम्ला, सल्यान जस्ता बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आइरहेको छ ।
देशको कुल जनसंख्याको ८०% भन्दा बढी बसोबास गर्ने ग्रामीण तथा साना सहरी क्षेत्रमा बैंकले आफ्ना ७२% शाखा
कार्यालयहरू स्थापना गरेको जनाएको छ ।
