सर्लाही ,भदौ-४, जिल्लाकाे लालबन्दी खानेपानी उपभोक्ता तथा सरसफाई संस्थाका नवनिर्वाचित कार्यकारी समिति,वडा समन्वय समिति र प्रतिनिधि परिषद् सदस्यहरुले शनिवार (आज) सपथ ग्रहण गरेका छन् ।
लालबन्दी खानेपानी उपभोक्ता तथा सरसफाई संस्थाका कार्यवाहक अध्यक्ष शान्ता भण्डारीको अध्यक्षता तथा प्रदेशसभा सदस्य बेची लुंगेलीको प्रमुख आतिथ्यतामा सम्पन्न कार्यक्रममा नव निर्वाचित कार्यकारिणी समिति अध्यक्ष देवनाथ पोखरेल, उपाध्यक्ष गंगा महतो, सचिव हरिमाया थिंग, कोषाध्यक्ष डुकुन्द्र खत्री(कपिल)लगायत कार्यकारी समिति, वडा समन्वय समिति तथ प्रतिनिधि परिषद् सदस्यहरुले सपथ ग्रहण गरेका हुन । नवनिर्वाचित पदाधिकारीहरूकाे आजै पदस्थापना कार्यक्रम पनि सम्पन्न भएको हाे ।
लालबन्दी नगर प्रमुख(मेयर ) बासुदेव अधिकारीले नव निर्वाचित कार्यकारिणी समिति अध्यक्ष पोखरेललाई सपथ ग्रहण गराएका थिए भने अध्यक्ष पोखरेलले कार्यकारी समिति, वडा समन्वय समिति र प्रतिनिधि परिषद् सदस्यहरुको सपथ ग्रहण गराएको लालबन्दी खानेपानी उपभोक्ता तथा सरसफाई संस्थाका सूचना अधिकृत ठाकुर प्रसाद बख्रेल(मनाेज) ले चियाेचर्चाे खबरलाई जानकारी दिए ।
कार्यक्रमका प्रमुख अतिथिमा प्रदेश सभा सदस्य लुंगेलीले सम्पूर्ण निर्वाचित पदाधिकारीलाई बधाई दिदै लालबन्दी बासीको ठुलो तथा गौरवको योजना रहेको बताउदै यसको बिकाशमा नवनिर्वाचित पदाधिकारीकाे ध्यान जानुपर्नेमा जाेड दिइन् ।उनीले संस्थाको बिकाशमा आफ्नो सधैं साथ सहयोग रहने बताइन् ।
नवनिर्वाचित अध्यक्ष पोखरेलले नव निर्वाचित पदाधिकारीसंगै सम्पुर्ण उपभोक्ताको साथ समर्थन भए लालबन्दी खानेपानी उपभोक्ता तथा सरसफाई संस्था अगाडी बढने बताउदै, आफुसहितकाे टिमलाई मतदान गर्ने सम्पूर्ण मतदाता तथा खानेपानी उपभाेक्तालाई धन्यवाद व्यक्त गरे ।
कार्यक्रममा निवर्तमान पादाधिकारीहरुलाई मायाकाे चिनाे प्रदान गरि साम्मानसमेत गरिएकाे थियाे ।
