सर्लाही,असार -४,जिल्लाको ईश्वरपुर नगरपालिका–६, बयलवास बजारमा शनिवार ( आज) भएको शिविरमा ११० जनाले रक्तदान गरेका छन् ।
शिविर नेपाल आरोग्य संगठन ईश्वरपुर नगर समितिले आयोजना गरेको थियो । संस्थाका अध्यक्ष प्रकाश मैनालीको अध्यक्षता, केन्द्रीय अध्यक्ष राजेश कुमार सिंहको प्रमुख आतिथ्यता तथा ईश्वरपुर नगरपालिकाका मेयर मनोजकुमार आचार्यको विशिष्ट आतिथ्यतामा रक्तदान शिविरसँगै पर्यावरणीय सचेतनामूलक कार्यक्रम समेत गरिएको आयाेजक संस्थाले जनाएको छ ।
शिविरमा संकलित रगत नेपाल रेडक्रस सोसाइटीद्वारा संचालित रक्तसञ्चार केन्द्र जनकपुर पठाइएको कार्यक्रम संचालक एवम् नेपाल आरोग्य संगठन ईश्वरपुरका सचिव शंकर काफ्लेले जानकारी दिए।
