ईश्वरपुर,फागुन—१८,सर्लाहीको ईश्वरपुर नगरपालिका वडा नं.–१३ मा मोटरसाइकल अनियन्त्रित भई पुलबाट तल खस्दा २ युवकको मृत्यु भएको छ ।
बुधवार (आज) बिहान अन्दाजी सवा ९ बजे अमुवा खोला स्थित भित्रि सडक खण्डमा गौरीशंकरबाट बयलबास तर्फ आउदै गरेको ज.११प.८९४५ नं.को मोटरसाइकल आफै अनियन्त्रित भई पुलको दाहिने साईडमा ठक्कर दिई ५ मिटर तल खसेको थियो ।
मोटरसाइकलसहित पुलबाट खसेका चालक महोत्तरी औरही नगरपालिका १ का ३२ वर्षे चन्दन कुमार साह र पछाडी सवार सर्लाही कविलासी नगरपालिका वडा नं.—२, पिपरियाका २५ वर्षे राम विश्वास मण्डलको घटनास्थलमै मृत्युभएको जिल्ला प्रहरी कार्यालय सर्लाहीका सुचना अधिकृत प्रहरी नीरिक्षक जटाशंकर यादवले जानकारी दिए ।
घटनाको आवश्यस अनुसन्धान र मुचुल्का तयार गरी पोस्टमार्टमको लागि दुबै लाश प्रादेशिक अस्पताल सर्लाही पठाईएको र मोटरसाइकल प्रहरीको नियन्त्रणमा रहेको जिल्ला प्रहरी कार्यालय मलंगवाले जनाएको छ ।
