बारा,माघ— ३ ,लाखौँ मुल्य बराबरको भन्सार छलीको गहना सहित एक युवकलाई बाराको जीतपुरसिमरा उप–महानगरपालिका–.१ बाट प्रहरीले पक्राउ गरेको छ ।
पक्राउ पर्नेमा भारत बिहार मोतिहारी जिल्ला ढाका बस्ने बर्ष २३ का सुनिल गुप्ता रहेको ईलाका प्रहरी कार्यालय सिमराका प्रहरी नायब उपरीक्षक मनोजित कुँवरले जानकारी दिए ।
उनलाई बिशेष सूचनाको आधारमा खटिएको प्रहरी टोलीले जीतपुरसिमरा उप–महानगरपालिका–.१ स्थित नेपाल टेलिकम अगाडि गहना सहित पक्राउ गरिएको प्रहरीले जनाएको छ ।
पक्राउपरेका गुप्ताले वीरगञ्ज पथलैयातर्फ जाँदैँ गरेको ना ३३ प ८५२६ नम्बरको मोटरसाईकलको तेल ट्याङ्कीको भित्र फल्स बट्न बनाई लुकाई छिपाई ११ लाख ३५ हजार ९ सय ७३ रुपैया बराबरको १० किलो तयारी गहना ल्याउँदै गर्दा पक्राउ गरिएको प्रहरीले जनाएको छ ।
चाँदीको गहना पाउँजु ,बाला ,चाबि रिङ्ग ,बुट्टी तथा कल्ली समेत बरामद भएको प्रहरीले जनाएको छ ।
ईलाका प्रहरी कार्यालय सिमराका प्रहरी नायब उपरीक्षक मनोजित कुँवरका अनुसार बरामद गहना ,मोटरसाईकल र व्यक्तिलाई आवश्यक कारवाहीको लागि राजश्व अनुसन्धान कार्यालय ,पथलैया बारामा पठाईएको छ ।
