लालबन्दी, कार्तिक- ३०,सर्लाहीको ईश्वरपुर नगरपालिका १२ कालिन्जाेर घारीबथानमा मोटरसाइकल दुर्घटना हुदाँ २ जनाको मृत्यु भएको छ।
सर्लाही प्रहरी प्रवक्ता प्रहरी नायव उपरीक्षक माधवप्रसाद बुढाथोकीका अनुसार दुर्घटनामा परी मृत्यु हुनेहरुमा कालिन्जाेर घारीबथानका २२ वर्षीय सुरज मुर्मछान र २० वर्षीय मुकेश आले रहेका छन् ।
जंगलकाे बाटो हुँदै घारीबथानबाट दक्षिणतर्फ आउँदै गर्दा मोटरसाइकल अनियन्त्रित भई दुर्घटना हुदाँ मोटरसाइकलमा सवार दुवैको मृत्यु भएको हो।
प्रदेश २-०३-००४ प ९५३९ नम्बरको मोटरसाइकल अनियन्त्रित भई बाटोको छेउमा रहेको रुखमा ठोक्किन पुग्दा दुर्घटना भएको जिल्ला प्रहरी कार्यालय सर्लाहीले जनाएको छ ।
टाउकोमा गम्भिर चोट लागेका गुर्मछानलाई उपचारका लागि लालबन्दीस्थित अस्पतालमा
ल्याउदा चिकित्सकले मृत घोषणा गरेका थिए। मोटरसाइकलमा पछाडी सवार आलेलाई थप उपचारका लागि बीरगञ्ज पुर्याउँदा चिकित्सकले मृत घाेषणा गरेकाे प्रहरीले जनाएको छ ।
