लालबन्दी,कार्तिक -२९,नेत्रविक्रम चन्द (विप्लव) नेतृत्वको नेपाल कम्युनिष्ट पार्टी (नेकपा) ले भोली नेपाल बन्दको आब्हान गरेको छ ।
पेट्रोलियम पदार्थमा हालै गरिएको मूल्य वृद्धिको विरुद्धमा भोली नेपाल बन्दको कार्यक्रम तय भएको उक्त पार्टीका सर्लाही जिल्ला सेक्रेटरी कमल सुस्लिङले आज विज्ञप्ती निकालेर जानकारी गराएका गराएका हुन ।
विज्ञप्तीमा भोली सम्पूर्ण कलकारखाना, शैक्षिक संस्था तथा यातायात बन्द गरी न्यायपूर्ण आन्दोलनमा एकाकार हुन अपिल गरिएको छ ।
सो पार्टीले गएको वुधवारबाट पेट्रोलियम पदार्थको मूल्य वृद्धि हुनासाथ दैनिक प्रदर्शन गर्दै आइरहेको छ । सोही क्रममा आज बिहान विप्लव समूह निकट अखिल क्रान्तिकारीले लालबन्दीमा सिठ्ठी जुलुस निकालेको थियो ।
