सिरहा, कात्तिक -१७,सिरहामा ट्याक्टरबाट खसेर एक बालकको मृत्यु भएको छ ।ईलाका प्रहरी कार्यालय गोलबजारका प्रमुख प्रहरी निरीक्षक सन्तोष राईका अनुसार मृत्यु हुनेमा जिल्लाको गोलबजार नगरपालिका वडा नं. ४ का नशिवलाल सदायका ११ वर्षीय छोरा निशान्त सदाय रहेका छन्।
गोलबजार नगरपालिका वडा नं. ८ मैनाबत्ती खोलाबाट बालुवा बोकेर आइरहेको स १ त ७९५ नम्बरको ट्याक्टरबाट लडेर बालकको मृत्यु भएको प्रहरीले जनाएको छ ।
ट्याक्टरबाट लडेर गम्भिर घाइते भएका सदायको उपचारको लागि लहान लाने क्रममा बाटोमै मृत्यु भएको प्रहरीले जनाएको छ ।
ट्याक्टर र चालक नियन्त्रणमा रहेको र घटना सम्बन्धमा थप अनुसन्धान भइरहेको प्रहरी निरीक्षक राईकाले जानकारी दिए ।