पर्सा,कार्तिक १७- पर्सामा प्रहरीले ठुलो परिमाणमा विष्फोटक पदार्थ नष्ट गरेको छ ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओमप्रकाश खनालका अनुसार प्रहरीले
करिब १ लाख ५० हजार रुपैयाँ बराबरको विष्फोटक पदार्थ नष्ट गरेको हाे ।
जिल्लाका विभिन्न स्थानबाट बरामद गरिएको पटाका, भुइँचम्पा, आतिशबाजी तथा अन्य विष्फोटक पदार्थ कार्यालयमा ल्याएर नष्ट गरिएको पर्सा प्रहरीले जनाएको छ ।
नष्ट गरिएको विष्फोट पदार्थमा रकेट पटाका ३५ प्याकेट, नागिन १ हजार २ सय ५० प्याकेट, फुलझरी ८ सय थान, रकेट फुलझरी १ सय २० प्याकेट, बिडी पटाका ७ बोरा, कोबरा र बिडी ६ कार्टुन, चकलेट पटाका ४० प्याकेट र झिरझिरे सय प्याकेट रहेका छन्। त्यस्तै टेन सट १ सय प्याकेट, सतरंगी र सेभेन सट्स २०/२० प्याकेट, स्काई रेड १५ प्याकेट, रंग दे वसन्ती १२ प्याकेट नष्ट गरिएको पर्सा प्रहरीले जनाएको छ ।
