मलंगवा, असोज २३—सर्लाही प्रहरीले लागु औषध गाँजासहित मलंगवाबाट शनिवार बिहान एक युवकलाई पक्राउ गरेको छ । पक्राउ पर्नेमा ब्रहम्पुरी गाउँपालिका वडा नं.८ भेल्हीका अन्दाजी ४५ वर्षिय बिन्देश्वर सहनी रहेका छन् ।
उनलाई मलंगवा नगरपालिका २ दशगजा क्षेत्रबाट प्लाष्टिकमा प्याक गरेर अन्दाजी ३ किलो लागु औषध.गाँजा बोकी पैदलै भारततर्फ जादै गर्दा नियन्त्रणमा लिईएको जिल्ला प्रहरी कार्यालय सर्लाही सुचना अधिकृत प्र.ना.उ.माधब प्रसाद बुढाथोकी जानकारी दिए ।
गाँजा सहित पक्राउ परेका सहनी उपर आवश्यक अनुसन्धान कर्य भईरहेको प्रहरीले जनाएको छ ।
