महोत्तरी, असोज २१—महोत्तरीको जलेश्वर नगरपालिका–९ फुल्हट्टामा बुधवार बिहान लुटेराको समूहले बन्दुक देखाएर लाखौँको गरगहना लुटपाट गरेको छ । महोत्तरी प्रहरी प्रवक्ता प्रहरी नायब उपरीक्षक प्रकाश विष्टका अनुसार स्थानीय कैलाश सिंहको घरमा निजकी आमा ७० वर्षीया मनदोदरीदेवी सिंह एक्लै सुतिरहेको अवस्थामा आज बिहान पख पौने ३ बजे तिर घरको बाहिरी ढोका फोरेर घरभित्र पसेका चार जनाको समूहमा रहेका बन्दुकधारी लुटेराहरुले गरगहना लुटपाट गरेका हुन ।
लुटेराले नाकको फुली दुई थान, सुनको बाला, सुनको सिक्रीसहित करिव पाँच लाख बढीको गरगहना लुटेर लगेको महोत्तरी प्रहरीले जनाइएको छ । प्रहरीले लुटेराको खोजतलासलाई तिब्र दिएको जनाइएको छ ।
