धनुषा,असोज—१,धनुषामा मोटरसाइकल एकआपसमा ठोक्किँदा एक जनाको मृत्यु भएको छ,भने अर्का एक जना घाइते भएका छन् । मृत्यु हुनेमा सिरहाको विष्णुपुर गाउँपालिका नरहाका ३० वर्षिय रुपेश यादव रहेका छन् ।
पूर्व–पश्चिम राजमार्ग अन्तर्गत जिल्लाको मिथिला नगरपालिकास्थित ढल्केबरमा पूर्वबाट पश्चिमतर्फ आउँदै गरेको लु. ७२ प. ४७९२ नम्बरको मोटरसाइकल र विपरित दिशाबाट जाँदै गरेको स. ४ प. ७९२६ नम्बरको मोटरसाइकल एकआपसमा ठोक्किँदा स. ४ प. ७९२६ नम्बरको मोटरसाइकल चालक यादवको घटनास्थलमै मृत्यु भएको धनुषा प्रहरीले जानएको छ ।
आर्का मोटरसाइकल चालक धनुषाको गणेशमान चारनाथ नगरपालिका–६ बस्ने ४६ वर्षिय मोहम्मद हासिम घाइते भएका छन् । उनको स्थानीय मेडिकलमा उपचार भइरहेको ईलाका प्रहरी कार्यालय ढल्केबरले जनाएको छ ।
मृतक यादवको शव पोस्टमार्टमका लागि जनकपुरस्थित प्रादेशिक अस्पताल पठाइएको र घटना सम्बन्धमा थप अनुसन्धान भईरहेको प्रहरीले जनाएको छ ।
