लालबन्दी,भदौ–१८, सुरक्षा बेस क्याम्प हरिवनबाट खटिएको सशस्त्र प्रहरीले लालन्दीबाट एक थान पेस्तोल र त्यसमा लाग्ने ५ राउण्ड गोली बरामद गरेको छ ।
सशस्त्र प्रहरी नायब उपरीक्षक (डीएसपी) दीपेन्द्र थापाको कमाण्डमा खटिएको गस्ती टोलीले शुत्रक्रवार (आज) बिहान ५ः३० बजे लालबन्दी नगरपालिका–५, स्थित रेल्वे ट्रयाकबाट पेस्तोल र त्यसमा लाग्ने गोली बरामद् गरेको हो ।
पेस्तोल र त्यसमा लाग्ने गोली बोकेर हिडेका प्रदेश नं. २–०२–००४ प ७७५७ नम्वरको अपाचे मोटरसाइकलकका चालक गस्तीमा रहेको सुरक्षाकर्मीलाई देख्नासाथख भागेकका थिए ।मोटरसाइकल चेकजाँच गर्दा लेगगार्डमा झुण्ड्याएर राखेको झोलामा कपडाभित्र लुकाएर राखेको अवस्थामा एक थान कटुवा पेस्तोल र ५ राउण्ड गोली बरामद् भएको सशस्त्र प्रहरी उपरीक्षक गंगाराम श्रेष्ठले जानकारी दिए ।
बरामद्् भएकको पेस्तोलमा एक राउण्ड गोली लोड भएको र ४ राउण्ड भने बाहिरै रहेको आवस्थाम बरामद् गरिएको सशस्त्र प्रहरी उपरीक्षक श्रेष्ठले बताए । बरामद् भएको पेस्तोल ५वटा गोली र मोटरसाइकल थप अनुसन्धानका लागि ईलाका प्रहरी कार्यालय लालबन्दीमा बुझाइएको सशस्त्र प्रहरी उपरीक्षक श्रेष्ठले जानकारी दिए ।
