सिरहा, भदौ —१६, सिरहामा दुई परिवारबीच सामान्य विवाद हुँदै झगडा चर्किदा भएकोे झडपमा एक वृद्धाको मृत्यु भएको छ ।
मृत्यु हुनेमा जिल्लाको कल्याणपुर नगरपालिका–१ डुमरीका ६५ वर्षीया भाल्सैरदेवी यादव रहेका छन् ।
निर्घाट कुटपिटका कारण भालसैरदेवीको घटनास्थलमै मृत्यु भएको जिल्ला प्रहरी कार्यालय सिरहाका प्रवक्ता प्रहरी प्रमुख सुभाष बुढाथोकीले जानकारी दिएका छन् ।
महिलाको मृत्यु भएको खबर प्राप्त हुनसाथ घटनास्थलमा पुगेको प्रहरी टोलीले घटनामा संलग्न रहेका जयकुमारलाई हिरासतमा लिएको छ, भने श्रीदेव फरार भएका छन् । फरार श्रीदेवको खोजि कार्य भइरहेको सिराहा प्रहरीले जनाएको छ ।
मृतकको शव पोष्टमार्टमका लागि रामकुमार उमाप्रसाद स्मारक अस्पताल लाहानमा राखिएको बताइएको छ । घटनाबारे थप अनुसन्धान भइरहेको जिल्ला प्रहरी कार्यालय सिरहा जानाएको छ ।
