मनोज यादव/सर्लाही,भदौ -२,जिल्लाको गोडैता नगरपालिका अन्तर्गतका २ वटा वडाहरु शतप्रतिशत विद्यालय भर्ना वडा घोषणा गरिएको छ।


विद्यालय जाने ४ वर्षदेखि १२ वर्ष उमेर समूहका सबै बालबालिकाहरु विद्यालय भर्ना भएको प्रमाणित गर्दै नगरप्रमुख देवेन्द्र यादवले एक समारोहका बिच उक्त पालिका अन्तर्गतको वडा न-१,बहादुरपुर र वडा न-६ बगदह फत्तेपुरलाई शतप्रतिशत विद्यालय भर्ना वडा घोषणा गरेका हुन ।
सबैका लागि गुणस्तरीय शिक्षाको अवसर जुटाउन दिगो विकासको लक्ष्य सबैको लागि शिक्षा कार्यक्रम,विद्यालय क्षेत्र सुधार कार्यक्रम,विद्यालय क्षेत्र विकास कार्यक्रम र नेपाल सरकारबाट स्वीकृत निति,निर्देशन,योजना तथा कार्यक्रमहरुलाई प्रभावकारी रुपमा कार्यान्वयन गर्न सबै पक्षको सल्लाह,सहकार्य,छलफल एवम् सहमतिमा गोडैता नपाको वडा न-६ बगदह र वडा न-१ बहादुरपुरमा विद्यालय जाने उमेर समूह ४ देखि १२ वर्षसम्मका बालबालिकाहरु कोही पनि विद्यालय बाहिर नरहेको नगरप्रमुख यादवले घोषणा गरेका छन् ।
आर.आर.पि.के तथा सेभ द चिल्ड्रेनको संयुक्त साझेदारी र गोडैता नगरपालिकाको समन्वयमा संचालित समुन्नति कार्यक्रम अन्तर्गत बुधबार वडा न-१को वडाअध्यक्ष सोजित महतोको र बिहीबार वडा न-६ को वडाअध्यक्ष सचिन्द्र महतोको अध्यक्षता तथा नगरप्रमुख यादवको प्रमुख आतिथ्यतामा आयोजना भएको उक्त कार्यक्रममा विशिष्ठ अतिथि प्रमुख प्रशासकीय अधिकृत रमेश प्रसाद यादव,शिक्षा शाखा प्रमुख प्रमोद यादव,स्वास्थ्य शाखा प्रमुख प्रमोद पंडित,वडा न-१ का ,आर.आर.पि.के का अध्यक्ष गायत्री देवी महतो,रामजानकी आधारभूत विद्यालय बगदहका प्रअ श्याम किशोर सिंह,श्री प्राथमिक विद्यालय बकैनिया टोलका प्रअ आर आर पि के का शिक्षा अधिकृत निरज मिश्र, परियोजना संयोजक संजिव चौधरी,सामुदायिक परिचालकहरु ,विभिन्न वडाका वडाअध्यक्षहरु,कार्यपालिका सदस्य,महिला सदस्य, स्थानीय समाजसेवी,बुद्धिजीवी,राजनीतिकर्मी,शिक्षक, शिक्षिका,अभिभावक तथा सहयोगी संस्थाका कर्मचारीहरु लगायतको उपस्थिति रहेको थियो।
बहादुरपुरमा ८५ र बगदहमा ६७ जना ४ देखि १२ वर्ष उमेर समूहका बालबालिकाहरु विद्यालय भर्ना भएको आर.आर.पि.के का शिक्षा अधिकृत मिश्रले जानकारी दिएका छन् ।
कार्यक्रमलाई सफलता पुर्वक सम्पन्न गराउन आर.आर.पि.के का समाजिक परिचालक मो.सलामले सकृय भूमिका खेलेका थिए।